छठपर्वका अवधिभर सीर्सिया नदीमा फोहर विसर्जन गर्न प्रतिबन्ध

आसन्न छठपर्वका अवसरमा बर्तालुको सुविधाका लागि प्रमुख जिल्ला अधिकारी भोला दाहालको अध्यक्षतामा शनिबार बसेको सर्वदलीय/सर्वपक्षीय बैठकले पूजा अवधिभर विभिन्न उद्योगबाट हुने फोहर तथा वस्तु विसर्जनलाई पूर्ण रूपमा रोक्ने निर्णय गरेको छ। बारा र पर्साको औद्योगिक करिडोर हुँदै बग्ने सीर्सिया नदीमा ट्रिटमेन्ट पलान्टबाट सफा पानी मात्र छोड्न लगाई नदीको पानी सफा र स्वच्छ बनाउने निर्णय पनि बैठकले गरेको छ। रसायनयुक्त पानी प्रशोधन नगरी नदीमा मिसाउन पूर्ण प्रतिबन्ध लगाइने भएको छ।