निलम्बित सांसदलाई अतिथि बनाएको विषयमा राप्रपाले मकवानपुर अध्यक्ष श्रेष्ठसँग स्पष्टीकरण माग्यो

राष्ट्रिय प्रजातन्त्र पार्टी (राप्रपा) को केन्द्रीय अनुशासन समितिले राप्रपा मकवानपुरका अध्यक्ष ऋषिलाल श्रेष्ठसँग स्पष्टीकरण मागेको छ। पार्टीबाट निलम्बनमा परेका बागमती प्रदेशका तीन मन्त्री तथा संसदीय दलका नेता उद्धव थापालाई पार्टीको कार्यक्रममा सहभागी गराएको विषयमा समितिले उनसँग स्पष्टीकरण मागेको हो। श्रेष्ठको अध्यक्षतामा भएको उक्त कार्यक्रममा निलम्बित नेताहरू सहभागी भएका थिए।

राष्ट्रिय प्रजातन्त्र पार्टी (राप्रपा) को केन्द्रीय अनुशासन समितिले मकवानपुरका अध्यक्ष ऋषिलाल श्रेष्ठसँग स्पष्टीकरण मागेको छ। पार्टीबाट निलम्बनमा परेका बागमती प्रदेशका तीन मन्त्री तथा संसदीय दलका नेता उद्धव थापालाई श्रेष्ठले आफ्नै अध्यक्षतामा स्वागत तथा सम्मान कार्यक्रममा अतिथि बनाएका थिए। निलम्बित व्यक्तिहरूलाई सम्मान गर्ने र विभिन्न आयोजनाको निरीक्षणका नाममा आयोजनास्थलसम्म लैजाने कार्यलाई पार्टीले गम्भीरतापूर्वक लिएको राप्रपाले जनाएको छ।