तृतराज दासको अर्धशतक, पोखराविरुद्ध जनकपुरलाई १४८ रनको लक्ष्य

नेपाल प्रिमियर लिग (एनपीएल) क्रिकेटअन्तर्गत आइतबार पोखरा एभेन्जर्सविरुद्धको खेलमा जनकपुर बोल्ट्सका ओपनर तृतराज दासले अर्धशतक बनाएका छन्। कीर्तिपुरस्थित अन्तर्राष्ट्रिय क्रिकेट मैदानमा टस हारेर पहिले ब्याटिङको निम्तो पाएको जनकपुरका लागि दासले ४९ बलमा एक छक्का र ६ चौकाको मद्दतले अर्धशतक पूरा गरे। जनकपुर बोल्ट्सले १६ ओभरको खेल सकिँदासम्म चार विकेट गुमाएर एक सय सात रन बनाएको छ।

नेपाल प्रिमियर लिग (एनपीएल) को तेस्रो सिजनअन्तर्गत आइतबार कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको खेलमा जनकपुर बोल्ट्सले पोखरा एभेन्जर्सलाई जितका लागि १४८ रनको लक्ष्य दिएको छ। टस हारेर पहिले ब्याटिङ गरेको जनकपुरले निर्धारित २० ओभरमा सात विकेट गुमाएर १४७ रन बनायो। ओपनर तृतराज दासले ५५ बलमा दुई छक्का र सात चौकाको मद्दतले ६१ रन बनाए भने उनले मोइन अलीसँग मिलेर पहिलो विकेटका लागि ४७ रनको साझेदारी गरे।