झापा प्रशासनद्वारा अवैध आयातित र प्लास्टिकका फूलमाथि कारबाहीको निर्देशन

झापा जिल्ला प्रशासन कार्यालयले स्वदेशी उत्पादनलाई प्राथमिकता दिने उद्देश्यले अवैध रुपमा आयातित फूल र प्लास्टिकबाट निर्मित कृत्रिम फूल नियन्त्रणमा लिन सुरक्षा निकायलाई निर्देशन दिएको छ। प्रमुख जिल्ला अधिकारी श्रवणकुमार पोखरेलले सार्वजनिक सूचना जारी गर्दै स्वदेशी सिर्जनशीलता र उद्यमशीलतालाई प्रोत्साहित गर्न गैरकानुनी रुपमा हुने फूलको आयातमा रोक लगाइएको बताए। खुला सीमाको फाइदा उठाउँदै तिहार, छठ लगायतका पर्वमा फूल आयात भइरहेको सन्दर्भमा यो निर्देशन आएको हो। प्लास्टिकका फूल बिक्री गरे कारबाही हुने प्रशासनले जनाएको छ।