भूमिहीनलाई जग्गाधनी पुर्जा वितरण तीव्र बनाउन मन्त्री रावलको निर्देशन

भूमि व्यवस्था, सहकारी, सङ्घीय मामिला तथा सामान्य प्रशासनमन्त्री प्रतिभा रावलले भूमिहीन दलित, सुकुमवासी तथा अव्यवस्थित बसोबासीलाई जग्गाधनी पुर्जा वितरणको काम तीव्र बनाउन निर्देशन दिएकी छन्। झापास्थित जिल्ला प्रशासन कार्यालयमा जिल्ला भूमि समस्या समाधान समितिका पदाधिकारी, जिल्लाका १५ वटै स्थानीय तहका प्रमुख प्रशासकीय अधिकृत तथा भूमि शाखाका कर्मचारीसँगको अन्तरक्रियामा उनले हालसम्मको प्रगति सन्तोषजनक नरहेको बताइन्। भूमिहीनलाई पुर्जा वितरणमा भइरहेको ढिलाइ स्वीकार्य नहुने उनको भनाइ छ।