कृषिमन्त्री र अर्थमन्त्रीबीच जलवायु वित्त र कोप–३१ तयारीबारे छलफल

काठमाडौंमा कृषि, वन तथा पर्यावरणमन्त्री गिता चौधरी र अर्थमन्त्री स्वर्णिम वाग्लेबीच भेटवार्ता भएको छ। कात्तिक १६ गते भएको उक्त भेटमा जलवायु वित्त परिचालन, हरित जलवायु कोष, अनुकूलन कोष, कार्बन वित्त तथा आगामी संयुक्त राष्ट्रसंघीय जलवायु परिवर्तनसम्बन्धी सम्मेलन (कोप–३१) को तयारीबारे छलफल भएको छ। नेपालले अन्तर्राष्ट्रिय जलवायु वित्तमा पहुँच विस्तार गर्ने तथा जलवायु अनुकूलन र हानि–नोक्सानीसम्बन्धी कार्यक्रमलाई प्रभावकारी बनाउने विषयमा पनि कुरा भएको छ।