कर्णालीका मुख्यमन्त्री शाही र इजरायली राजदूत बासबीच भेटवार्ता

कर्णाली प्रदेशका मुख्यमन्त्री मङ्गलबहादुर शाही र नेपालका लागि इजरायली राजदूत स्मुलिक अरियल बासबीच सोमबार शिष्टाचार भेटवार्ता भएको छ। सुर्खेतस्थित मुख्यमन्त्री तथा मन्त्रिपरिषद्को कार्यालयमा भएको भेटमा दुई देशबीचको ऐतिहासिक तथा कूटनीतिक सम्बन्ध र कर्णाली प्रदेशको समग्र विकासबारे कुराकानी भएको छ। साथै कर्णालीको कृषि विकासका लागि इजरायली प्रविधि हस्तान्तरणका विषयमा पनि छलफल भएको छ।