नेपाल संस्कृत विश्वविद्यालयमा योगी नरहरिनाथ अनुसन्धान तथा नवप्रवर्तन केन्द्र स्थापना हुने

नेपाल संस्कृत विश्वविद्यालयले संस्कृत वाङ्मयको प्रवर्द्धन तथा खोज-अनुसन्धानलाई प्रभावकारी बनाउन राष्ट्रगुरु योगी नरहरिनाथ अनुसन्धान तथा नवप्रवर्तन केन्द्र स्थापना गर्ने निर्णय गरेको छ। शिक्षा तथा खेलकुदमन्त्री एवं विश्वविद्यालयका सहकुलपति सस्मित पोखरेलको अध्यक्षतामा बसेको विश्वविद्यालय सभाको ७९औँ बैठकले केन्द्र स्थापनासहितका प्रस्ताव पारित गरेको हो। सोही बैठकले आर्थिक वर्ष २०८३/०८४ का लागि एक अर्ब ५८ करोड ५० लाख रुपैयाँको बजेटसमेत स्वीकृत गरेको छ।