चाडपर्वमा निर्बाध विद्युत् आपूर्तिका लागि ऊर्जामन्त्री श्रेष्ठको निर्देशन

ऊर्जा, जलस्रोत तथा सिँचाइ मन्त्री विराज भक्त श्रेष्ठले चाडपर्वका समयमा निर्बाध विद्युत् आपूर्ति सुनिश्चित गर्न मातहतका निकायलाई निर्देशन दिएका छन्। उनले चाडपर्वलगत्तै सुरु हुने सुख्खायामको विद्युत् व्यवस्थापनका लागि पूर्वतयारी तथा योजनाबद्ध कामलाई प्राथमिकता दिन पनि निर्देशन दिएका छन्। चाडपर्व तथा तिहारमा विद्युत् अवरोध नहुने गरी माग र आपूर्तिको पूर्वानुमान तथा विश्लेषण गरी आवश्यक व्यवस्थापन मिलाउन निर्देशन दिइएको छ।

ऊर्जा, जलस्रोत तथा सिँचाइमन्त्री विराजभक्त श्रेष्ठले तिहार तथा छठ पर्वमा विद्युत् आपूर्ति नियमित र अवरोधरहित बनाउन नेपाल विद्युत् प्राधिकरणलाई निर्देशन दिएका छन्। काठमाडौँमा प्राधिकरण सञ्चालक समितिको बैठकअघि कार्यकारी निर्देशक तथा कर्मचारीहरूसँगको छलफलमा उनले चाडपर्वका समयमा बढ्न सक्ने विद्युत् मागको पूर्वानुमान तथा विश्लेषण गरी आवश्यक व्यवस्था मिलाउन निर्देशन दिए। साथै उनले त्यसलगत्तै सुरु हुने सुख्खायामको विद्युत् व्यवस्थापनका लागि पूर्वतयारी तथा योजनाबद्ध कामलाई प्राथमिकतामा राख्न मातहतका निकायलाई निर्देशन दिएका छन्।