जाडोमा वायु प्रदूषणको जोखिम बढ्ने भन्दै काठमाडौँ महानगरले प्लास्टिकजन्य फोहर नबाल्न आग्रह गरेको छ

जाडो मौसम सुरु भएसँगै वायु प्रदूषणबाट हुनसक्ने जोखिम बढ्ने भन्दै काठमाडौँ महानगरपालिकाले प्लास्टिकजन्य फोहरमैला नबाल्न आग्रह गरेको छ। कामपा वातावरण विभागका प्रमुख सरिता राईका अनुसार वायु प्रदूषणका प्रमुख कारणमा सवारीसाधनबाट निस्कने धुवाँ, सडक तथा निर्माणबाट उत्पन्न हुने धुलोका कण, उद्योग तथा कलकारखानाबाट निस्कने धुवाँधुलो र खुला रूपमा प्लास्टिकजन्य फोहरमैला बाल्दा निस्कने धुवाँ पर्छन्। महानगरले यो आग्रह कात्तिक १९ गते सार्वजनिक गरेको हो।