मृत्युदण्डको सजाय सुनाइए पनि शेख हसिना डिसेम्बरमा स्वदेश फर्कने अडानमा

बङ्गलादेशकी पूर्वप्रधानमन्त्री शेख हसिनाले आफूलाई मृत्युदण्डको सजाय सुनाइए पनि आगामी डिसेम्बरमा स्वदेश फर्कने अडान दोहोर्‍याएकी छन्। सन् २०२४ को विद्यार्थी आन्दोलनबाट सत्ताच्युत भएपछि भारतमा निर्वासनमा रहेकी उनले गिरफ्तारी, जेल र यातनाको सम्भावना हुँदाहुँदै पनि आफ्नो निर्णय परिवर्तन नहुने बताएकी छन्। प्रदर्शनकारीमाथि भएको घातक दमनका लागि जिम्मेवार ठहर गर्दै सन् २०२५ मा विशेष न्यायाधिकरणले उनलाई मानवताविरुद्धको अपराधमा दोषी ठहर गरेको थियो। उनले एसोसिएटेड प्रेस (एपी) लाई इमेलमार्फत जवाफ दिँदै यस्तो अडान दोहोर्‍याएकी हुन्।