कांग्रेसले भोटेकोशी–त्रिशूली बाढी प्रभावित जिल्लामा स्थलगत अवलोकन गर्ने

नेपाली कांग्रेसले भोटेकोशी–त्रिशूली बाढी र पहिरोबाट प्रभावित रसुवा, धादिङ र नुवाकोटका गाउँबस्तीमा स्थलगत अवलोकन गर्ने निर्णय गरेको छ। पार्टी सभापति गगनकुमार थापाको उपस्थितिमा ललितपुरस्थित केन्द्रीय कार्यालयमा बसेको बैठकले छठ पर्वलगत्तै तीनवटै जिल्लाका प्रभावित बस्तीमा पुगेर पीडितको अवस्था बुझ्ने निर्णय गरेको हो। बैठकले बाढीपीडितका लागि न्यानो कपडा वितरण तथा मानसिक स्वास्थ्य परामर्श अभियान सञ्चालन गर्ने निर्णय पनि गरेको छ। सहमहामन्त्री प्रकाश रसाइली स्नेहीका अनुसार बैठकमा पुनर्स्थापना, राहत वितरण र सार्वजनिक सेवा प्रवाहसम्बन्धी निर्णयहरू भएका छन्।