नेपालमा लुकेको क्षयरोग नियन्त्रण गर्न आधुनिक प्रविधि आवश्यक : सभापति शेरचन

प्रतिनिधिसभा अन्तर्गतको शिक्षा, स्वास्थ्य तथा सूचना प्रविधि समितिका सभापति डा. ओजस्वी शेरचनले नेपालमा लुकेको क्षयरोग (टीबी) महामारी नियन्त्रण गर्न आधुनिक प्रविधि र तत्काल स्क्रिनिङ आवश्यक रहेको बताएकी छन्। इन्डोनेसियाको बालीमा नोभेम्बर ३ देखि ५ सम्म आयोजित ग्लोबल टीबी ककस तथा ग्लोबल हेल्थ ककसको संयुक्त आयोजनामा भएको एसिया-प्रशान्त क्षेत्रीय स्वास्थ्य तथा वित्त समितिका सभापतिहरूको बैठकमा सहभागी हुँदै उनले क्षयरोग नियन्त्रणका लागि पर्याप्त बजेटको व्यवस्था गर्नुपर्ने पनि बताइन्। नेपालमा पुरुषको अकाल मृत्युको प्रमुख कारण क्षयरोग रहेको उनको भनाइ छ।