तनहुँको गुणादीमा पर्यटक बसको ठक्करबाट एक वृद्धको मृत्यु

पृथ्वी राजमार्ग अन्तर्गत तनहुँको म्याग्दे गाउँपालिका-१ गुणादीमा शनिबार दिउँसो पर्यटक बसको ठक्करबाट ७८ वर्षीय पैदलयात्री सम्मरबहादुर रानाभाटको मृत्यु भएको छ। पोखराबाट काठमाडौंतर्फ जाँदै गरेको बा १ प ९२७ नम्बरको बसले बाटो काट्दै गरेका रानाभाटलाई ठक्कर दिएको थियो। दुर्घटनामा गम्भीर घाइते भएका उनलाई उपचारका लागि दमौलीस्थित प्रदेश अस्पताल लगिएकोमा चिकित्सकले मृत घोषणा गरेका थिए। प्रहरीले बस र चालकलाई नियन्त्रणमा लिएर अनुसन्धान सुरु गरेको छ।

Summary by Jayaman