शुक्लफाँटा राष्ट्रिय निकुञ्जका विस्थापितको व्यवस्थापनका लागि अध्ययन समिति गठन

कृषि, वन तथा पर्यावरणमन्त्री गीता चौधरीले शुक्लफाँटा राष्ट्रिय निकुञ्जका कारण विस्थापित भएका परिवारको समस्या समाधान गर्न चार सदस्यीय अध्ययन समिति गठन गर्नुभएको छ। उक्त कार्यदललाई एक महिनाभित्र विस्थापित परिवारको उचित व्यवस्थापनका लागि मार्गचित्र तयार पारी मन्त्रीसमक्ष सिफारिस पेश गर्ने जिम्मेवारी दिइएको छ। समितिको प्रतिवेदन र सिफारिसका आधारमा विस्थापितहरूको समस्यालाई स्थायी रूपमा सम्बोधन गरिने मन्त्री चौधरीले जानकारी दिनुभयो।