कर्णाली नदीमा बेपत्ता गाडी र यात्रुको हेलिकप्टरबाट खोजी गर्न मुख्यमन्त्रीको निर्देशन

कर्णाली प्रदेशका मुख्यमन्त्री यामलाल कँडेलले दैलेखको चामुण्डा विन्द्रासैनीस्थित कर्णाली राजमार्गबाट बिहीबार नदीमा खसेर बेपत्ता भएको गाडी र यात्रुको हेलिकप्टरबाट खोजी गर्न निर्देशन दिनुभएको छ। शुक्रबार चारवटै सुरक्षा निकायका प्रमुखहरूसँगको छलफलमा मुख्यमन्त्री कँडेलले उपलब्ध सबै स्रोतसाधन परिचालन गरी खोजी कार्यलाई तीव्र बनाउन आग्रह गर्नुभयो। बिहीबार भएको उक्त दुर्घटनापछि बेपत्ता भएकाहरूको खोजी र उद्धारका लागि सुरक्षाकर्मीहरू सक्रिय रहेका छन्।