गणेश नेपालीको आत्मदाहपछि न्याय माग्दै माइतीघरमा विद्यार्थी संगठनको प्रदर्शन

गणेश नेपालीको आत्मदाहपछि संयुक्त विद्यार्थी संगठन र युवाहरूले काठमाडौंमा सरकारविरुद्ध प्रदर्शन गरेका छन्। माइतीघर मण्डलाबाट वीर अस्पतालतर्फ जान खोजेका प्रदर्शनकारीहरूलाई प्रहरीले भद्रकालीमा रोकेको थियो। प्रदर्शनकारीहरूले सुकुमवासीमाथि अमानवीय व्यवहार गरिएको र सरकारकै कारण नेपालीले आत्मदाह गर्नुपरेको आरोप लगाउँदै नाराबाजी गरेका थिए। उनीहरूले मृतकका लागि न्याय र सुकुमवासीका लागि गाँस, बास र कपासको ग्यारेन्टी गर्न माग गरेका छन्।

आत्मदाहको प्रयासपछि उपचारका क्रममा निधन भएका गणेश नेपालीको न्यायका लागि संयुक्त विद्यार्थी संगठनले शुक्रबार काठमाडौंको माइतीघर मण्डलामा प्रदर्शन गरेका छन्। प्रदर्शनकारीहरूले सुकुम्बासीहरूमाथि अमानवीय व्यवहार गरिएको भन्दै सरकार र काठमाडौंका मेयर बालेन शाहविरुद्ध नाराबाजी गरेका थिए। माइतीघरबाट भद्रकाली हुँदै वीर अस्पतालतर्फ अघि बढ्न खोज्दा प्रदर्शनकारी र प्रहरीबीच केहीबेर धकेलाधकेल समेत भएको थियो।