रास्वपाद्वारा आफ्ना सांसदहरूलाई पाँचबुँदे निर्देशन जारी

राष्ट्रिय स्वतन्त्र पार्टी (रास्वपा) ले आफ्ना प्रतिनिधि सभा सदस्यहरूलाई निर्वाचन क्षेत्र तथा जिल्ला भ्रमणलाई थप व्यवस्थित र रणनीतिक बनाउन पाँचबुँदे निर्देशन जारी गरेको छ। पार्टीका महामन्त्री विपिनकुमार आचार्यले पठाएको परिपत्रमा भ्रमणहरूलाई व्यक्तिगत जनसम्पर्कमा मात्र सीमित नराखी नागरिकसँगको जीवन्त संवादको माध्यम बनाउन आग्रह गरिएको छ। नयाँ निर्देशनअनुसार सांसदहरूले कुनै पनि क्षेत्रको भ्रमण तय गर्दा सम्बन्धित पार्टी समितिलाई अनिवार्य रूपमा आधिकारिक जानकारी गराउनुपर्नेछ।