दाइजो प्रथा अन्त्यका लागि मधेश प्रदेशबाट राष्ट्रिय अभियान सुरु गरिने

महिला, बालबालिका तथा ज्येष्ठ नागरिक मन्त्री सीता बादी र उपसभामुख इन्दिरा राना मगरबीच दाइजो प्रथा अन्त्यका लागि राष्ट्रिय जनचेतना अभियान सञ्चालन गर्ने विषयमा छलफल भएको छ। यो अभियान मधेश प्रदेशबाट सुरु गरी चरणबद्ध रूपमा देशभर विस्तार गर्ने तयारी गरिएको छ। मन्त्रालयमा भएको उक्त भेटमा सामाजिक कुरीतिहरू हटाउन र सामाजिक सुरक्षा सुदृढ बनाउने विषयमा विस्तृत विचारविमर्श भएको थियो।