अस्ट्रेलियामा प्राकृतिक रूपमा दुर्लभ समान चम्ल्याहा छोरीको जन्म

अस्ट्रेलियाको ब्रिसबेनमा एउटै निषेचित अण्डा चार भागमा विभाजित भएर चारजना समान चम्ल्याहा छोरीको जन्म भएको छ। चिकित्सकहरूका अनुसार यस्तो प्राकृतिक गर्भधारण अत्यन्त दुर्लभ मानिन्छ, जुन करिब एक करोड ५० लाख घटनामध्ये एकमा मात्र हुने सम्भावना रहन्छ। यी चम्ल्याहा छोरीहरूको जन्म कुनै कृत्रिम विधि बिना प्राकृतिक रूपमै भएको हो।

अस्ट्रेलियाको क्विन्सल्यान्डस्थित रोयल ब्रिस्बेन एन्ड वुमेन्स अस्पतालमा ३४ वर्षीया जेनिटर साउ नामोनाले दुर्लभ समान चम्ल्याहा (चार) छोरीलाई जन्म दिएकी छिन्। एउटै निषेचित अण्डा चार भागमा विभाजित भएर प्राकृतिक रूपमा भएको यो गर्भधारणलाई चिकित्सकहरूले अत्यन्तै असाधारण मानेका छन्। विज्ञहरूका अनुसार यस्तो दुर्लभ घटना करिब एक करोड ५० लाख गर्भधारणमध्ये एकमा मात्र हुने सम्भावना रहन्छ।