नेपाली कांग्रेस मुलुककै सबैभन्दा ठूलो डिजिटल राजनीतिक संगठन बनेको महामन्त्री पौडेलको दाबी

नेपाली कांग्रेसका महामन्त्री प्रदीप पौडेलले नेपाली कांग्रेस मुलुककै सबैभन्दा ठूलो डिजिटल राजनीतिक संगठन बनेको दाबी गरेका छन्। काठमाडौँमा आयोजित बीपी स्मृति कार्यक्रममा बोल्दै उनले पार्टीका सबै क्रियाशील सदस्यहरूको विवरण डिजिटल रूपमा अद्यावधिक गरिएको जानकारी दिए। यस प्रविधिमैत्री प्रणालीले सदस्यता व्यवस्थापनमा हुने विवाद अन्त्य गर्ने र कांग्रेसलाई अन्य दलभन्दा अगाडि राख्ने विश्वास व्यक्त गरिएको छ।