आत्मदाह प्रयासपछि ज्यान गुमाएका गणेश र विवेकको परिवारलाई गगन थापाद्वारा आर्थिक सहयोग

नेपाली कांग्रेसका सभापति गगन थापाले सर्लाहीका स्वर्गीय विवेक मण्डलको परिवारलाई एक लाख रुपैयाँ आर्थिक सहयोग प्रदान गरेका छन्। आत्मदाहको प्रयासपछि उपचारका क्रममा निधन भएका मण्डलको १३ औँ पुण्य तिथिको अवसर पारेर थापाले सो सहयोग उपलब्ध गराएका हुन्। सभापति थापाले मण्डलका सन्तानहरूको शिक्षा-दीक्षाको व्यवस्थापन गर्ने प्रतिबद्धता समेत व्यक्त गरेका छन्।

नेपाली कांग्रेसका सभापति गगन थापाले आत्मदाहको प्रयासपछि उपचारका क्रममा ज्यान गुमाएका मुगुका गणेश नेपाली र सर्लाहीका विवेक मण्डलको परिवारलाई जनही एक लाख रुपैयाँ आर्थिक सहयोग प्रदान गर्नुभएको छ। थापाले विवेक मण्डलको १३औं पुण्य तिथिको अवसर पारेर उक्त सहयोग रकम हस्तान्तरण गर्नुका साथै मण्डलका सन्तानको शिक्षा-दीक्षाको जिम्मेवारी लिने प्रतिबद्धता समेत व्यक्त गर्नुभएको छ। कांग्रेस केन्द्रीय कार्यालयका कार्यवाहक मुख्य सचिव कृष्णप्रसाद दुलालले जारी गरेको विज्ञप्ति अनुसार थापाले व्यक्तिगत तर्फबाट सो राहत उपलब्ध गराउनुभएको हो।