सरकार र डा. गोविन्द केसीबीच सात बुँदे सहमति, पाँचौँ दिनमा तोडियो अनसन

धनगढीमा अनशनरत डा. गोविन्द केसीका मागहरू सम्बोधन गर्न सरकारले वार्ता टोली पठाउने भएको छ। स्वास्थ्य तथा जनसंख्या मन्त्रालय र शिक्षा, विज्ञान तथा प्रविधि मन्त्रालयका प्रतिनिधिहरू सम्मिलित टोलीले डा. केसीका पक्षसँग छलफल गर्नेछ। सरकार केसीका दुई मागमा लचक देखिए पनि पदाधिकारी हटाउने विषयमा आज थप वार्ता हुने तय भएको छ।

धनगढीस्थित सेती प्रादेशिक अस्पतालमा आइतबार अनशनरत डा. गोविन्द केसीका प्रतिनिधि र सरकारी वार्ता टोलीबीच औपचारिक छलफल सुरु भएको छ। चिकित्सा शिक्षा र स्वास्थ्य क्षेत्रमा सुधारको माग राख्दै डा. केसी बिहीबारदेखि आफ्नो २४ औँ सत्याग्रहमा हुनुहुन्छ। वार्तामा सरकारको तर्फबाट स्वास्थ्य सचिव डा. विकास देवकोटा, शिक्षा सचिव चूडामणि पौडेल र डा. जगदीशप्रसाद अग्रवाल सहभागी छन् भने केसीको तर्फबाट डा. अमृत जैशी लगायतले प्रतिनिधित्व गरेका छन्।

चिकित्सा शिक्षा सुधारका अभियन्ता डा. गोविन्द केसी र सरकारी टोलीबीच धनगढीमा दोस्रो दिन पनि वार्ता जारी छ। आफ्नो २४औँ सत्याग्रहमा रहेका डा. केसीले गेटास्थित शहीद दशरथचन्द स्वास्थ्य विज्ञान विश्वविद्यालयमा पदाधिकारी नियुक्तिको माग राख्नुभएको छ। आइतबार स्वास्थ्य सचिव डा. विकास देवकोटा र शिक्षा सचिव चूडामणि पौडेल सम्मिलित टोलीसँग १२ घण्टा लामो छलफल भए पनि पदाधिकारी नियुक्तिको प्राविधिक विषयमा कुरा नमिल्दा सहमति हुन सकेको छैन।

चिकित्सा शिक्षा सुधारका अभियन्ता डा. गोविन्द केसीले सरकारसँग सात बुँदे सहमति भएपछि सोमबार धनगढीमा आफ्नो २४औँ सत्याग्रह अन्त्य गरेका छन्। सहमतिअनुसार कैलालीको गेटास्थित शहीद दशरथचन्द स्वास्थ्य विज्ञान विश्वविद्यालयलाई ३०० शय्याको शिक्षण अस्पतालसहित पूर्ण क्षमतामा सञ्चालन गर्ने र एमबीबीएस कार्यक्रम सुरु गर्ने प्रक्रिया तत्काल अघि बढाइनेछ। शिक्षा र स्वास्थ्य मन्त्रालयका प्रतिनिधिहरूसँगको वार्तापछि डा. केसीले जुस पिएर अनसन तोडेका हुन्।

चिकित्सा शिक्षा सुधारका अभियन्ता डा. गोविन्द केसीले सरकारसँग सात बुँदे सहमति भएपछि सोमबार धनगढीमा आफ्नो २४औँ अनसन तोडेका छन्। सहमतिअनुसार कैलालीको गेटास्थित शहीद दशरथ चन्द स्वास्थ्य विज्ञान विश्वविद्यालयलाई पूर्ण क्षमतामा सञ्चालन गर्ने र ३०० शैयाको अस्पतालसहित एमबीबीएस कार्यक्रम सुरु गर्ने प्रक्रिया तत्काल अघि बढाइनेछ। शिक्षा सचिव चूडामणि पौडेल र स्वास्थ्य सचिव डा. विकास देवकोटासहितको सरकारी वार्ता टोली र डा. केसीबीच भएको यो सहमतिमा सांसद पुकार बमको पनि रोहबर रहेको थियो।