सर्वोच्च अदालतका आदेशहरू अब सोही दिन अनलाइनमा उपलब्ध हुने

सर्वोच्च अदालतले प्रधानन्यायाधीशसहित सबै न्यायाधीशहरूको इजलासबाट हुने आदेशहरू सोही दिन विद्युतीय प्रणालीमा अपलोड गर्ने व्यवस्था मिलाएको छ। यसअघि मुद्दाको स्थिति मात्र जानकारी दिने गरिएकोमा अब सोमबारदेखि पेसी सूचीबाटै आदेशको पूर्ण फाइल हेर्न सकिनेछ। यो नयाँ व्यवस्थाले न्याय सम्पादनमा पारदर्शिता र सरोकारवालाको सहज पहुँच बढाउने अपेक्षा गरिएको छ।