नारायणीको कटानबाट सुस्ता जोगाउन स्थानीय र सुरक्षाकर्मीद्वारा अस्थायी तटबन्ध निर्माण

नारायणी नदीमा पानीको बहाव बढेसँगै पश्चिम नवलपरासीको सुस्ता गाउँ डुबान र कटानको उच्च जोखिममा परेको छ। आफ्नो बस्ती जोगाउन स्थानीय बासिन्दाहरू आफैं जनश्रमदानमा जुटेका छन्। नदीले गाउँतर्फ कटान सुरु गरेपछि स्थानीयले अस्थायी तटबन्ध निर्माण गरी जोखिम न्यूनीकरण गर्ने प्रयास गरिरहेका छन्।

नारायणी नदीमा आएको बाढी र तीव्र कटानका कारण पश्चिम नवलपरासीको सुस्ता गाउँपालिका-५ डुबानको उच्च जोखिममा परेको छ। बस्ती र खेतीयोग्य जमिन जोगाउन स्थानीय बासिन्दा, नेपाली सेना र अन्य सुरक्षा निकायका प्रतिनिधिहरूले जनश्रमदानमार्फत बोरामा बालुवा भरेर अस्थायी तटबन्ध निर्माण गरिरहेका छन्। नेपाली सेनाको गोरख दल गणले रातभर खटिएर कटान नियन्त्रणको प्रयास गरेको छ भने संघीय र प्रदेश सरकारले पनि यस समस्याप्रति चासो देखाएका छन्।