साम्प्रदायिक हिंसाका दोषीलाई कारबाही र आपूर्ति सहज बनाउन राष्ट्रियसभा सदस्यहरूको माग

राष्ट्रियसभाका सदस्यहरूले सुनसरी लगायतका क्षेत्रमा हालै भएका साम्प्रदायिक हिंसाका दोषीलाई कारबाही गरी मुलुकभर शान्ति सुरक्षा कायम गर्न सरकारको ध्यानाकर्षण गराएका छन्। बैठकको विशेष समयमा बोल्दै सांसदहरूले शान्ति सुव्यवस्थाका साथै दैनिक उपभोग्य वस्तुको सहज आपूर्ति सुनिश्चित गर्न माग गरे। नेपाली कांग्रेसकी सांसद विष्णुकुमारी सापकोटाले खाना पकाउने ग्यासको अभावबारे चर्चा गर्दै आपूर्ति व्यवस्था प्रभावकारी बनाउन सरकारसँग आग्रह गर्नुभयो।