तनहुँमा ग्यास वितरणको अनुगमन गर्न ‘द्रुत प्रतिकार्य टोली’ गठन

तनहुँमा ग्यास वितरण प्रणालीको प्रभावकारी अनुगमन तथा निरीक्षणका लागि जिल्ला प्रशासन कार्यालयले एक ‘द्रुत प्रतिकार्य टोली’ गठन गरेको छ। सहायक प्रमुख जिल्ला अधिकारी दीपक रेग्मीको संयोजकत्वमा गठित यस टोलीमा नेपाल प्रहरी, तनहुँ उद्योग वाणिज्य सङ्घ र स्थानीय तहका प्रतिनिधिहरू सहभागी छन्। टोलीले ग्यास वितरणको नियमित छड्के अनुगमन गर्ने र प्राप्त गुनासोहरूका आधारमा आवश्यक कारबाही अगाडि बढाउनेछ। एकीकृत सेवा कार्यालय तनहुँका अधिकृत प्रतिनिधिले यस टोलीको सदस्य सचिवको रूपमा काम गर्नेछन्।