एमएडब्लू मोटर्सद्वारा नेपाली बजारमा नयाँ विद्युतीय एसयूभी नामी भिगो ई–२ सार्वजनिक

नेपालका लागि डोङफेङ नामीको आधिकारिक आयातकर्ता एमएडब्लू वृद्धि मोटर्सले नयाँ नामी भिगो ई२ सार्वजनिक गर्ने घोषणा गरेको छ। यो सवारी साधन आगामी अगस्ट १९, २०२६ मा 'फुल एसयूभी' को रूपमा बजारमा ल्याइनेछ। पर्याप्त ठाउँ र आधुनिक सुविधाहरू सहितको यस मोडलले नेपाली ग्राहकलाई पूर्ण एसयूभीको अनुभव प्रदान गर्ने कम्पनीको विश्वास छ।

नेपालका लागि डोङफेङ नामीको आधिकारिक आयातकर्ता एमएडब्लू मोटर्सले नयाँ विद्युतीय एसयूभी ‘नामी भिगो ई–२’ नेपाली बजारमा सार्वजनिक गरेको छ। ललितपुरको पुल्चोकस्थित द प्लाजामा आयोजित एक कार्यक्रममा कम्पनीका म्यानेजिङ डाईरेक्टर विष्णु कुमार अग्रवालले यस गाडीको अनावरण गर्नुभयो। पारिवारिक प्रयोगका लागि उपयुक्त ‘फुल एसयूभी’ को रूपमा प्रस्तुत गरिएको यस गाडीको मूल्य ३५ लाख ९९ हजार रुपैयाँ तोकिएको छ। आधुनिक विशेषता र पर्याप्त ठाउँ भएको यो गाडीले ग्राहकलाई पूर्ण एसयूभीको अनुभव दिने कम्पनीको विश्वास छ।