सिक्किमका मुख्यमन्त्री प्रेम सिंह तामाङद्वारा नेपथ्य कन्सर्टको टिकट र टिसर्ट सार्वजनिक

सिक्किमका मुख्यमन्त्री प्रेम सिंह तामाङ (गोले) ले गान्तोकमा आयोजना हुने नेपथ्य ब्याण्डको कन्सर्टका लागि आधिकारिक टिकट र टिसर्ट सार्वजनिक गर्नुभएको छ। भारतको ८० औँ स्वतन्त्रता दिवसको अवसरमा आयोजित एक समारोहका बीच यी सामग्रीहरू सार्वजनिक गरिएको हो। लोकरक ब्याण्ड नेपथ्यले आगामी अक्टोबर ३१ तारिखमा गान्तोकमा आफ्नो चौथो प्रस्तुति दिने तयारी गरेको छ। यस सांगीतिक कार्यक्रमलाई सिक्किम सरकारले राज्यस्तरबाटै विशेष महत्व र अपनत्व प्रदान गरेको छ।