जग्गा खरिदमा अनियमितता गरेको आरोपमा रेडक्रसका पूर्वअध्यक्ष सञ्जीव थापासहित ५ जना पक्राउ

नेपाल प्रहरीको केन्द्रीय अनुसन्धान ब्यूरो (सीआईबी) ले नेपाल रेडक्रस सोसाइटीका पूर्वअध्यक्ष सञ्जीव थापासहित तत्कालीन पदाधिकारीहरूलाई पक्राउ गरेको छ। जग्गा खरिद गर्ने क्रममा अनियमितता र ठगी गरेको आरोपमा उनीहरूलाई नियन्त्रणमा लिइएको सीआईबीका एआईजी उमा प्रसाद चतुर्वेदीले जानकारी दिनुभयो। खरिद गरिएको जग्गामा करिब ७ आना कम देखिएको विषयमा प्रहरीले थप अनुसन्धान गरिरहेको छ।

नेपाल प्रहरीको केन्द्रीय अनुसन्धान ब्यूरो (सीआईबी) ले नेपाल रेडक्रस सोसाइटीका पूर्वअध्यक्ष सञ्जीव थापासहित पाँच जनालाई पक्राउ गरेको छ। भक्तपुरको चाँगुनारायण नगरपालिकामा जग्गा खरिद गर्दा करोडौँ रुपैयाँ ठगी र अनियमितता गरेको आरोपमा उनीहरूलाई काठमाडौँबाट नियन्त्रणमा लिइएको हो। सीआईबीका एआईजी उमा प्रसाद चतुर्वेदीका अनुसार खरिद गरिएको जग्गामा क्षेत्रफल कम देखिएको र वित्तीय हिनामिना भएको सरकारी छानबिन प्रतिवेदनका आधारमा अनुसन्धान अघि बढाइएको छ।