इमरान खानको स्वास्थ्यप्रति पूर्वराष्ट्रपति आरिफ अल्वीद्वारा चिन्ता व्यक्त

पाकिस्तानका पूर्वराष्ट्रपति आरिफ अल्वीले जेलमा रहेका पूर्वप्रधानमन्त्री इमरान खानको स्वास्थ्य अवस्था चिन्ताजनक रहेको भन्दै गम्भीर चासो व्यक्त गरेका छन्। अल्वीले खानलाई तत्काल अस्पताल सारेर स्वतन्त्र चिकित्सकको निगरानीमा उपचार गर्न माग गरेका छन्। उनले खानको मुटुको धड्कन र रक्तचापमा समस्या देखिएको दाबी गर्दै तत्काल स्वास्थ्य उपचारको आवश्यकता रहेको बताएका छन्।