फोहोर व्यवस्थापन बैठकमा सांसद आशिका तामाङ र मेयरहरूबीच चर्काचर्की

सिंहदरबारस्थित पूर्वाधार विकास मन्त्रालयमा काठमाडौं उपत्यकाको फोहोरमैला व्यवस्थापनबारे आयोजित छलफलमा सांसद आशिका तामाङ र जनप्रतिनिधिहरूबीच चर्काचर्की भएको छ। राष्ट्रिय स्वतन्त्र पार्टीकी सांसद तामाङले ललितपुर महानगरपालिकाका मेयर चिरिबाबु महर्जन लगायतका मेयरहरूलाई थर्काएपछि बैठकमा तनाव उत्पन्न भएको थियो। सांसदको उग्र व्यवहारका कारण बैठकको अध्यक्षता गरिरहेका सञ्चारमन्त्री डा. विक्रम तिमिल्सिनाले उपस्थित मेयरहरूसँग माफी माग्नुभएको छ। छलफलमा बञ्चरेडाँडाको फोहोर व्यवस्थापनका विषयमा कुराकानी भइरहेको थियो।

काठमाडौं उपत्यकाको फोहोर व्यवस्थापनका विषयमा भौतिक पूर्वाधार विकास मन्त्रालयमा आयोजित बैठकमा रास्वपा सांसद आशिका तामाङ र स्थानीय तहका प्रमुखहरूबीच चर्काचर्की भएको छ। बन्चरेडाँडाका बासिन्दाले भोग्दै आएको समस्याको विषयमा सांसद तामाङ र ललितपुरका मेयर चिरिबाबु महर्जनबीच भनाभन भएपछि बैठक तनावपूर्ण बनेको थियो। बैठकको अध्यक्षता गरिरहनुभएका सूचना तथा सञ्चारमन्त्री डा. विक्रम तिमिल्सिनाले सांसदको व्यवहारप्रति मेयरहरूसँग माफी माग्नुभएको छ।