गरिमा चौधरीको हत्या प्रकरण: सरकार र पीडित परिवारबीच तीनबुँदे सहमति

बाराको सिमरामा बलात्कारपछि हत्या गरिएकी तीन वर्षीया बालिका गरिमा चौधरीका आमा–बुवा गृहमन्त्री सुधन गुरुङसँग छलफल गर्न काठमाडौं आइपुगेका छन्। मृतक बालिकाका बुवा मनोज चौधरी र आमा मानमती चौधरी स्थानीय अभियन्ताहरूसहित शनिबार अपराह्न सिमरा विमानस्थलबाट काठमाडौंतर्फ प्रस्थान गरेका हुन्। गृह मन्त्रालयमा हुने उक्त वार्तामा घटनाका सम्बन्धमा छलफल हुने मन्त्रीको सचिवालयले जनाएको छ।

बाराको सिमरामा बलात्कारपछि हत्या गरिएकी तीन वर्षीया बालिका गरिमा चौधरीका आमाबुबा र गृहमन्त्री सुधन गुरुङबीच गृह मन्त्रालयमा छलफल भएको छ। पीडितका बुबा मनोज चौधरी र आमा मानमती चौधरी शनिबार सिमराबाट काठमाडौँ आएर न्यायको माग गर्दै मन्त्रीसँग वार्ता गरेका हुन्। उक्त छलफलमा कृषिमन्त्री गीताकुमारी चौधरी पनि सहभागी थिइन्। साउन ३१ गते बेपत्ता भएकी बालिकाको हत्यापछि प्रहरीले प्रभावकारी अनुसन्धान नगरेको भन्दै देशका विभिन्न स्थानमा प्रदर्शन भइरहेका छन्।

बाराको जितपुर सिमरा उपमहानगरपालिका–१ की तीन वर्षीया बालिका गरिमा चौधरीको बलात्कार र हत्याको घटनालाई लिएर नेपाल सरकार र पीडित परिवारबीच तीनबुँदे सहमति भएको छ। गृह मन्त्रालयमा गृहमन्त्री सुधन गुरुङसहितका मन्त्रीहरू र बालिकाका अभिभावकबीच भएको वार्तामा जघन्य अपराधसम्बन्धी कानुन पुनरावलोकन गर्न सात दिनभित्र प्रतिवेदन बुझाउने गरी कार्यदल गठन गर्ने सहमति भएको हो। साथै, सरकारले पीडित परिवारलाई न्यायको प्रत्याभूति गराउने र सिमरामा बालिकाको सालिक निर्माण गर्ने प्रतिबद्धता समेत जनाएको छ।