हुम्लाको ताँजाकोट गाउँपालिका कार्यालयमा आगलागी, महत्त्वपूर्ण कागजात नष्ट

हुम्ला जिल्लाको ताँजाकोट गाउँपालिकाको प्रशासनिक भवनमा आइतबार राति आगलागी भएको छ। जिल्ला प्रहरी कार्यालय हुम्लाका अनुसार राति १ देखि २ बजेको बीचमा लेखा शाखाको स्टोरबाट सुरु भएको आगोले महत्त्वपूर्ण कागजातहरू नष्ट गरेको छ। प्रहरी र स्थानीयको सहयोगमा आगो नियन्त्रणमा लिइएको छ भने विद्युत् सर्ट भएर आगलागी भएको प्रारम्भिक अनुमान गरिएको छ। डीएसपी शंकर खड्का र सूचना अधिकारी नरेन्द्र चन्दले घटनाको पुष्टि गरेका छन्।