सूचना प्रविधि क्षेत्रका लागि पाँचवर्षे कार्ययोजना ल्याइने, अर्थमन्त्रीद्वारा प्राथमिकताको घोषणा

अर्थमन्त्री डा. स्वर्णिम वाग्लेले नेपालको आर्थिक विकासका लागि सूचना प्रविधि (आईटी) क्षेत्रलाई उच्च प्राथमिकतामा राख्दै सरकारले पाँचवर्षे कार्ययोजना अघि बढाएको बताउनुभएको छ। मंगलबार अर्थ मन्त्रालयमा दुई दर्जनभन्दा बढी स्टार्टअप उद्यमीहरूसँगको छलफलका क्रममा उहाँले सो जानकारी दिनुभएको हो। सरकारले सेवा क्षेत्रको विकासका लागि आईटीलाई मुख्य आधार बनाउने लक्ष्य राखेको छ।