बाढीले पुल बगाएपछि अवरुद्ध मनास्लु पदमार्ग फड्के बनाएर पुनःसञ्चालनमा

गोरखाको बूढीगण्डकी र थेराङ खोलामा आएको बाढीले दुईवटा पुल बगाएपछि मनास्लु पदमार्ग अवरुद्ध भएको छ। चुमनुब्री गाउँपालिका–४ नामरुङस्थित थेराङ खोलामा आइतबार बिहान करिब ३:३० बजे आएको बाढीले क्षति पुर्याएपछि जिल्ला प्रशासन कार्यालय गोरखाले मनास्लु र लार्केपास क्षेत्रमा पदयात्रा नगर्न आग्रह गरेको छ। बाढीका कारण पदमार्गका भौतिक संरचनामा क्षति पुगेकाले तत्कालका लागि यात्रा रोक्न प्रशासनले सूचना जारी गरेको हो।

गोरखाको उत्तरी क्षेत्रमा पर्ने बूढीगण्डकी र थेराङ खोलामा आइतबार बिहान आएको भीषण बाढीका कारण मनास्लु पदमार्ग पूर्ण रूपमा अवरुद्ध भएको छ। बाढीले दुईवटा पुल र दुईवटा जलविद्युत् आयोजना बगाएपछि जिल्ला प्रशासन कार्यालय गोरखाले अर्को सूचना नभएसम्मका लागि मनास्लु र लार्केपास पदयात्रामा रोक लगाएको छ। सहायक प्रमुख जिल्ला अधिकारी नेत्रप्रसाद शर्माका अनुसार चुमनुब्री गाउँपालिका-४ नामरुङ क्षेत्रमा बिहान ३:३० बजे बाढी आएको थियो। बाढीका कारण पदमार्गमा रहेका पर्यटकहरू समेत अलपत्र परेका छन्।

गोरखाको चुमनुब्री गाउँपालिका-४ स्थित बूढीगण्डकी र थेराङ खोलामा भदौ २१ गते आएको बाढीले दुईवटा पुल बगाएपछि मनास्लु र लार्केपास पदमार्ग अवरुद्ध भएको थियो। सहायक प्रमुख जिल्ला अधिकारी नेत्रप्रसाद शर्माले अर्को सूचना नभएसम्मका लागि पदयात्रामा रोक लगाउनुभएको थियो। तर, वडाअध्यक्ष पेमा ग्याल्पो लामाको नेतृत्वमा स्थानीय बासिन्दाले थेराङ र सुराङ खोलामा काठको फड्के हालेर पदमार्ग पुनःसञ्चालनमा ल्याएका छन्। बाढीले पुल र केही जलविद्युत् आयोजनामा क्षति पुर्‍याउँदा पर्यटकहरू अलपत्र परेका थिए।