सोलुखुम्बुको हुङ्गा खोलामा पहिरो खसेर ड्याम बनेपछि तटीय क्षेत्रमा उच्च सतर्कता

सोलुखुम्बुको महाकुलुङ गाउँपालिकास्थित गुदेलमा पहिरो खसेर हुङ्गा (हुङ्कु) खोला थुनिएको छ। खोलामा माथिबाट पहिरो खस्दा करिब १५ मिटर अग्लो र १०० मिटरभन्दा फराकिलो बाँध बनेको छ र हाल पनि पहिरो खस्ने क्रम जारी रहेको छ। बाढी पूर्वानुमान महाशाखा र जिल्ला प्रशासन कार्यालय सोलुखुम्बुले तटीय क्षेत्रका बासिन्दालाई उच्च सतर्कता अपनाउन आग्रह गरेका छन्।

सोलुखुम्बुको महाकुलुङ गाउँपालिकास्थित हुङ्गा खोलामा पहिरो खसेर करिब १५ देखि ३५ मिटर अग्लो ड्याम बनेको छ। जिल्ला प्रहरी कार्यालय सोलुखुम्बुका प्रहरी नायव उपरीक्षक नवीनराज बुढाथोकीका अनुसार पहिरोले खोला थुनिएर करिब १०० मिटर लामो ताल बनेको छ। ड्याम जुनसुकै बेला फुट्न सक्ने जोखिम रहेकाले बाढी पूर्वानुमान महाशाखा र स्थानीय प्रशासनले दूधकोशी नदीको तटीय क्षेत्रका बासिन्दालाई उच्च सतर्कता अपनाउन आग्रह गरेका छन्।

सोलुखुम्बुको महाकुलुङ गाउँपालिकास्थित हुङ्गा खोलामा शुक्रबार बिहान पहिरो खसेर खोला थुनिएको छ। पहिरोले करिब १०० मिटर लामो र १५ मिटरभन्दा अग्लो बाँध बनेपछि दूधकोशी नदीको तटीय क्षेत्रमा जोखिम बढेको प्रमुख जिल्ला अधिकारी कमानसिंह थापामगरले जानकारी दिनुभयो। ड्यामबाट पानी बग्न थाले पनि जोखिम कायमै रहेकाले सोलुखुम्बु र उदयपुरका तल्लो तटीय क्षेत्रका बासिन्दालाई उच्च सतर्कता अपनाउन प्रशासनले आग्रह गरेको छ।