अस्पतालको गेटमा शिशु जन्माएकी बबितालाई भेट्न मन्त्री रामजी यादव उनको घरमा

युवा, श्रम तथा रोजगारमन्त्री रामजी यादवले सप्तरी पुगेर गजेन्द्रनारायण सिंह अस्पतालको गेटअगाडि सडकको पेटीमा शिशुलाई जन्म दिएकी बबिता पासवानको स्वास्थ्य अवस्थाबारे जानकारी लिएका छन्। बिहीबार आफ्नो गृहजिल्ला राजविराज पुगेका मन्त्री यादवले पासवानको घरमै गएर आमा र शिशुको अवस्था बुझेका हुन्। सो क्रममा मन्त्री यादवले घटनामा दोषी देखिएका जोकोहीलाई पनि कारबाही गरिने प्रतिबद्धता व्यक्त गरे।