पाल्पा कारागारका कैदीबन्दीद्वारा भोटेकोशी बाढीपीडितलाई ८३ हजार रुपैयाँ सहयोग

पाल्पा कारागारका कैदीबन्दीहरूले भोटेकोशी बाढीपीडितको सहयोगका लागि ८३ हजार रुपैयाँ सङ्कलन गरी प्रदान गरेका छन्। कारागारमा रहेका २२४ पुरुष र १३ महिला गरी जम्मा २३७ जना कैदीबन्दीले आफ्नो क्षमताअनुसार सो रकम जुटाएका हुन्। सङ्कलित रकम राहत तथा उद्धार कार्यका लागि राष्ट्रिय वाणिज्य बैंकमार्फत प्रधानमन्त्री दैवी प्रकोप उद्धार कोषमा जम्मा गरिएको छ।