लोककल्याणकारी विज्ञापनको रकम कटौतीबारे प्रचण्डको ध्यानाकर्षण

नेपाल पत्रकार महासङ्घले छापा सञ्चारमाध्यमले पाउँदै आएको लोककल्याणकारी विज्ञापनको रकममा गरिएको कटौतीबारे पूर्वप्रधानमन्त्री तथा नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ को ध्यानाकर्षण गराएको छ। महासङ्घका महासचिव रामप्रसाद दाहालसहितको टोलीले कार्यविधि संशोधनका नाममा बजेट घटाइएको भन्दै असन्तुष्टि व्यक्त गरेको हो। यस कटौतीले सञ्चार क्षेत्रको दिगोपनमा गम्भीर असर पर्ने भन्दै उनीहरूले ध्यानाकर्षण गराएका हुन्।