नेकपा एमालेको केन्द्रीय कमिटी बैठकमा अध्यक्ष केपी शर्मा ओलीद्वारा राजनीतिक प्रतिवेदन पेस

काठमाडौँमा सोमबारदेखि सुरु भएको नेकपा (एमाले) को केन्द्रीय कमिटी बैठकमा अध्यक्ष केपी शर्मा ओलीले राजनीतिक प्रतिवेदन प्रस्तुत गर्नुभएको छ। प्रतिवेदनमा पार्टीका दुई प्रमुख कार्यभार र ती पूरा गर्न १५ बुँदे कार्ययोजना समावेश गरिएको छ। प्रतिवेदन पेस भएपछि स्थगित भएको बैठक मंगलबार बिहान ९ बजे पुनः बस्ने तय भएको छ।

नेकपा एमालेका अध्यक्ष केपी शर्मा ओलीले सोमबारदेखि सुरु भएको पार्टीको केन्द्रीय कमिटी बैठकमा आफ्नो राजनीतिक प्रतिवेदन पेस गर्नुभएको छ। अध्यक्ष ओलीले प्रतिवेदन पेस गरेपछि केन्द्रीय सदस्यहरूलाई अध्ययनको समय दिँदै बैठक मंगलबार बिहान ९ बजेसम्मका लागि स्थगित गरिएको छ। केन्द्रीय सदस्य विशाल भट्टराईका अनुसार आगामी बैठकमा प्रत्येक सदस्यले प्रतिवेदनमाथि सुझावसहित आफ्नो धारणा राख्नका लागि तीन मिनेटको समय पाउनेछन्।