भोटेकोशी बाढी प्रभावित बालबालिकाको शिक्षा रोकिँदैन: मन्त्री सस्मित पोखरेल

शिक्षा तथा खेलकुदमन्त्री सस्मित पोखरेलले रसुवा–भोटेकोशी बाढीबाट प्रभावित बालबालिकाको शिक्षालाई निरन्तरता दिन सरकारले विशेष योजना अघि बढाएको बताउनुभएको छ। सोमबार प्रतिनिधिसभाको बैठकमा सांसदहरूले उठाएका प्रश्नको जवाफ दिँदै उहाँले क्षतिग्रस्त विद्यालय पुनर्निर्माण नहुन्जेल अस्थायी सिकाइ केन्द्र र आवासीय व्यवस्थामार्फत पठनपाठन सञ्चालन गरिने जानकारी दिनुभयो। सरकारले यसका लागि स्थानीय तहसँगको समन्वयमा तत्कालीन र दीर्घकालीन दुवै योजना कार्यान्वयन गर्ने प्रतिबद्धता जनाएको छ।