सल्यानका सात पालिकामा स्क्रब टाइफस फैलियो, आठ जनाको मृत्यु

सल्यानको दार्मा गाउँपालिकामा स्क्रबटाइफसको संक्रमणबाट ६ जनाको मृत्यु भएको छ भने ठूलो संख्यामा मानिसहरू संक्रमित भएका छन्। सोमबार मात्रै १९१ जनाको परीक्षण गर्दा ६० जनामा संक्रमण पुष्टि भएको जनस्वास्थ्य निरीक्षक यज्ञबहादुर बस्नेतले जानकारी दिनुभयो। साउनको दोस्रो सातादेखि देखिएको यो प्रकोप नियन्त्रणका लागि प्रभावित क्षेत्रमा चिकित्सकको टोली परिचालन गरिएको छ।

सल्यान जिल्लाका दश स्थानीय तहमध्ये सात पालिकामा स्क्रब टाइफस संक्रमण फैलिएको छ। सुरुमा दार्मा गाउँपालिकामा देखिएको यो रोग अन्य पालिकाहरूमा पनि पुगेको छ। स्वास्थ्य सेवा कार्यालय सल्यानका अनुसार हालसम्म ४५८ जनामा संक्रमण पुष्टि भएको छ भने दार्मामा आठ जनाको मृत्यु भएको छ। संक्रमण अध्ययन गर्न विज्ञ टोली आउने भएको छ र सङ्घ तथा प्रदेश सरकारले थप परीक्षण किट उपलब्ध गराएको छ।