वर्षा रोकिएपछि म्याग्दीको बेनी–दरवाङ सडक मर्मत सुरु

पछिल्लो वर्षाका कारण अवरुद्ध बनेको म्याग्दीको बेनी–दरवाङ सडकको मर्मत कार्य सुरु भएको छ। यो सडकले जिल्लाको पश्चिमी क्षेत्रका तीन वटा स्थानीय तहलाई जिल्ला सदरमुकाम बेनीबजारसँग जोड्छ। गण्डकी प्रदेश सरकार मातहत रहेको धवलागिरि, मालिका र मङ्गला गाउँपालिका तथा बागलुङको तमानखोला गाउँपालिका जोड्ने बेनी–दरवाङ–मुना सडकका विभिन्न ठाउँमा पहिरो र बाढीले क्षति पुर्‍याई अवरुद्ध बनाएको थियो। पूर्वाधार विकास कार्यालयमार्फत उपकरण परिचालन गरी आइतबार अपराह्नदेखि बेनीबाट पहिरो पन्छाउने काम थालिएको छ।