मदन भण्डारी कप भलिबलको उपाधिका लागि नेपाल पुलिस र सभापोखरी भिड्ने

बुटवलको बीआईसीसी सम्मेलन केन्द्रमा मंगलबार दोस्रो संस्करणको ‘मदन भण्डारी कप अन्तर्राष्ट्रिय आमन्त्रित रनिङ शिल्ड पुरुष भलिबल प्रतियोगितामा भारतको खैरा भलिबल क्लब र विभागीय टोली नेपाल पुलिस क्लबले विजयी सुरुआत गरेका छन्। समूह ‘ए’ को पहिलो खेलमा खैरा भलिबल क्लब पन्जाबले मणिमुकुन्द भलिबल क्लबलाई ३–१ को सेटमा हराएको छ। खैराले २६–२४, २५–१८, २२–२५ र २५–२० को जित निकालेको हो। अर्को खेलमा नेपाल पुलिस क्लबले श्रीलंका पुलिसलाई पराजित गरेको छ।

बुटवलको बीआईसीसी सम्मेलन केन्द्रमा जारी दोस्रो मदन भण्डारी कप अन्तर्राष्ट्रिय आमन्त्रित रनिङ शिल्ड पुरुष भलिबल प्रतियोगितामा नेपाल पुलिस क्लब, भारतको खैरा भलिबल क्लब पन्जाब र सभापोखरी भलिबल क्लब सेमिफाइनलमा प्रवेश गरेका छन् । समूह ‘ए’ को अन्तिम खेलमा नेपाल पुलिस क्लबले मणिमुकुन्द भलिबल क्लबलाई ३–२ को सेटमा हराएको थियो । यसअघि पुलिसले खैरा भलिबल क्लबलाई ३–१ को सेटमा पराजित गर्दै लगातार दोस्रो जित निकालेको थियो । खैरा क्लबले पहिलो खेलमा मणिमुकुन्दलाई ३–१ को सेटमा हराएको थियो ।

बुटवलमा जारी दोस्रो मदन भण्डारी कप अन्तर्राष्ट्रिय आमन्त्रित रनिङ शिल्ड पुरुष भलिबल प्रतियोगिताको उपाधिका लागि नेपाल पुलिस क्लब र सभापोखरी भलिबल क्लब भिड्ने भएका छन्। शुक्रबार भएको सेमिफाइनलमा नेपाल पुलिसले एपिएफलाई र सभापोखरीले खैरा भलिबल क्लब पञ्जाबलाई पराजित गरेको हो। फाइनल खेल शनिबार बुटवलको बीआईसीसी सम्मेलन केन्द्रमा हुनेछ। यसअघि समूह ‘ए’ मा नेपाल पुलिसले मणिमुकुन्द र खैरालाई हराउँदै समूह विजेता बनेको थियो।