जोखिममा आधारित नियमन लागू गर्ने सेबोनको तयारी, अध्यक्ष भट्टद्वारा जानकारी

नेपाल धितोपत्र बोर्ड (सेबोन) ले पुँजी बजारमा देखिएका जोखिम न्यूनीकरण गर्न जोखिममा आधारित नियमन प्रणाली लागू गर्ने तयारी गरेको छ । प्रतिनिधि सभा अन्तर्गतको अर्थ समितिको बैठकमा बोल्दै बोर्डका अध्यक्ष डा. गोपालप्रसाद भट्टले जोखिम भएका क्षेत्रलाई पहिलो प्राथमिकतामा राखेर नियमन गर्ने सोच बनाएको जानकारी दिए । उनले पुँजीबजारलाई व्यवस्थित र सुरक्षित बनाउन बोर्डले जोखिम र सुशासनमा आधारित नयाँ नियमन रणनीति अङ्गीकार गरेको बताए ।