जगदम्बा मोटर्सले नेपालमा स्याकम्यानका दुई विद्युतीय हेभी ट्रक सार्वजनिक गर्‍यो

शंकर ग्रुपअन्तर्गतको जगदम्बा मोटर्सले चिनियाँ ब्रान्ड सान्क्सी अटोमोबाइल ग्रुप (स्याकम्यान) सँगको सहकार्यमा दुई नयाँ विद्युतीय हेभी–ड्युटी व्यावसायिक सवारीसाधन नेपाली बजारमा सार्वजनिक गरेको छ। कम्पनीले स्याकम्यान X5000e ६×४ इलेक्ट्रिक प्राइम मुभर र स्याकम्यान X5000e ६×४ इलेक्ट्रिक टिपर सार्वजनिक गरेको हो। यससँगै स्याकम्यान नेपालको तीव्र रूपमा विस्तार हुँदै गएको विद्युतीय हेभी–ड्युटी व्यावसायिक सवारीसाधन क्षेत्रमा प्रवेश गरेको छ। व्यावसायिक क्षेत्रका चुनौतीपूर्ण आवश्यकतालाई ध्यानमा राखेर एक्स५०००ई विकास गरिएको जनाइएको छ।