बागलुङमा बाढीपहिरोबाट १३ जनाको मृत्यु, सडक पूर्वाधारमा क्षति

बागलुङ जिल्लामा बाढी र पहिरोका कारण १३ जनाको ज्यान गएको छ भने ठूलो जनधनको क्षति भएको छ। सडक डिभिजन कार्यालयअन्तर्गतका राष्ट्रिय तथा सहायक राजमार्ग र पूर्वाधार विकास कार्यालयअन्तर्गतका प्रदेशस्तरीय सडक पूर्वाधारमा गरी मुख्य सडकमा मात्रै करिब ५० करोड रुपैयाँ बराबरको क्षति भएको अनुमान छ। सबैभन्दा बढी क्षति मध्यपहाडी लोकमार्गको निसी र गलकोट खण्डमा भएको छ। ती सडक दीर्घकालीन रूपमा निर्माण गर्न एक अर्ब रुपैयाँभन्दा बढी खर्च लाग्ने अनुमान गरिएको छ।