संसदीय समितिको टोलीले नुवाकोटका विपद् प्रभावित क्षेत्रको अवलोकन गर्‍यो

हिमालमा जलवायु परिवर्तनको प्रभाव, जलवायु न्याय तथा भोटेकोशी–त्रिशूली विपद्सम्बन्धी संसदीय विशेष समितिले विपद् प्रभावित क्षेत्रको स्थलगत अध्ययन शुरू गरेको छ। सभापति गणेश पराजुलीको नेतृत्वमा रहेको टोलीले नुवाकोटको विदुर नगरपालिका क्षेत्रबाट विपद्पछिको वस्तुगत अवस्थाको अध्ययन शुरू गरेको हो। विदुरस्थित नेपाली सेनाको ब्यारेकमा टोलीले विपद् व्यवस्थापन तथा समन्वयमा खटिएका तीनै तहका सरकारका प्रतिनिधिसँग विपद् र विपद्पछिको वास्तविक वस्तुस्थितिबारे जानकारी लिएको छ।