फिफाबाट निलम्बित एन्फाका ११ पदाधिकारीले कार्यसमिति बैठक बोलाउन माग गरे

अखिल नेपाल फुटबल संघ (एन्फा) का वरिष्ठ उपाध्यक्ष वीरबहादुर खड्कासहित कार्यसमितिका ११ सदस्यले कार्यसमिति बैठक बोलाउन माग गरेका छन् । एन्फाको विधानअनुसार एक तिहाइ वा सोभन्दा बढी सदस्यले लिखित माग गरेमा बैठक अनिवार्य रूपमा आह्वान गर्नुपर्ने व्यवस्था छ, र सोही प्रावधानअनुसार उनीहरूले माग गरेका हुन् । हाल एन्फा विश्व फुटबल महासंघ (फिफा) बाट निलम्बित अवस्थामा छ । हस्ताक्षर गरिएको पत्रमा पाँचवटा एजेन्डा समावेश गरिएको छ ।